Aleksia Peleshi është mjaft aktive në rrjetet sociale. Ajo u vendos në qendër të vëmendjes sidomos pas historisë së saj të dashurisë me Romeo Veshajn.

Prej disa kohësh tashmë dyshja nuk janë bashkë. Së fundmi, vajza e ministrit Peleshi ka zhvilluar një bisedë virtuale me ndjekësit e saj, të cilët e kanë pyetur për shumëçka.

Një ndër pyetjet lidhej me Beatrix Ramosajn. Ndjekësi ka dashur të dijë nëse ka ndonjë lidhje më Trixën pasi ngjajnë sipas tij.
Aleksia nuk ka hezituar t’i përgjigjet duke bërë shaka:

“Beatrix shih një herë mos ke ndonjë rrënjë nga Korça e dalim kushërira të 17-a”.

Peleshi i ka bërë tag edhe këngëtares, e cila sapo ka marrë mesazhin i është përgjigjur po në Instagram.

“Gjithmonë kam pasur një dobësi për Korçën”.

Aleksia Peleshi dhe Beatrix Ramosaj kanë qenë të lidhura të dyja me binjakët Veshaj. Ndonëse tani nuk kanë asnjë marrëdhënie me aktorët duket se vajzat kanë ruajtur një miqësi me njëra-tjetrën.