Melinda Gates ka folur së fundmi për divorcin me ish-bashkëshortin e saj miliarderin Bill Gates.

‘Kisha disa arsye që thjesht nuk mund të vazhdoja më këtë martesë’ është shprehur 58 vjeçarja për revistën Fortune.

‘Por gjëja e çuditshme është se Pandemia COVID-19 më dha mundësinë të bëj atë që duhej të bëja. Ishte tepër e dhimbshme por unë kisha privatësinë për ta kaluar dhimbjen’ vazhdoi rrëfimin e saj 58 vjeçarja.

Melinda dhe Bill u martuan në vitin 1994 dhe ishin së bashku për 27 vite para se të ndaheshin në maj 2021.

Ata kanë së bashku tre fëmijë Jennifer 25 vjeç, Rory 23 vjeç dhe Phoebe 19 vjeç që ishte gjithmonë prioriteti i Melindës kur ajo vendosi të divorcohej nga Bill.

Ish-çifti gjithashtu themeloi Fondacionin Bill & Melinda Gates në vitin 2000 dhe vazhdojnë ta drejtojnë atë së bashku pas ndarjes së tyre - gjë që Melinda thotë se e ka ndihmuar atë të përpunojë ndjenjat e saj.

''Vazhdova të punoja me personin nga i cili po largohesha dhe më duhej të shfaqesha para tij çdo ditë dhe të isha më e mira. Edhe nëse qaja në orën 9 të mëngjesit, atëherë duhej të isha në një telefonatë konferencë në orën 10 të mëngjesit me Bill. Mësova se mund ta bëja. Puna më thërret të jap më të mirën” është shprehur Melinda.

Në vitin 2021, u zbulua se Bill kishte qenë në një lidhje afatgjatë me një punonjës të Microsoft-it që nga viti 2000.

Në fakt, ai dyshohet se u kërkoi disa grave në zyrën e kompanisë së tij që të dilnin me të kur ai ishte i martuar.

Nuk dihet akoma nëse Melinda Gates e dinte për lidhjet jashtëmartesore të burrit të saj.

 

 

 

 

View this post on Instagram

 

 

 

 

 

 

 

 

 

 

 

A post shared by Melinda French Gates (@melindafrenchgates)