Zhvendosja potenciale e Princ Harry dhe Meghan Markle në Santa Barbara po ngjall shqetësime midis banorëve të rezidencës që tni sipas TMZ.

Burime të lidhura me Shoqatën e Pronarëve të Shtëpive (HOA) në Hope Ranch — një komunitet super ekskluziv i Santa Barbara — kanë treguar se ka një numër njerëzish në atë komunitet që shqetësohen për Harry dhe Meghan që mund të shkojnë atje për shkak të të gjitha gjërave të tjera që vijnë me ta.

Sipas TMZ, askush në Hope Ranch nuk ka probleme ndaj Sussex-ëve personalisht, por shumë mendojnë se do të sjellin probleme në ‘strofkën’ e tyre të qetë, super-private pasi ata janë të famshëm dhe në qendër të vëmendjes.

Një nga çështjet që shqetëson disa banorë të Hope Ranch ka të bëjë me trafikun si rezultat i pranisë sëtyre. Trafiku ka qenë gjithmonë një problem në Santa Barbara, ku banorët për dekada janë përpjekur të mbrojnë komunitetin e tyre nga një fluks makinash.

Rrugët atje janë të ngushta dhe me kthesa, dhe me paparacët që dynden për të kapur çiftin, disa banorë kanë frikë se mund të krijohet rrezik, veçanërisht për fëmijët që luajnë dhe ecin për në shkollë.

Ndërsa sigurisht që ka shumë të pasur që jetojnë në Hope Ranch, asnjëri prej tyre nuk është aq i famshëm sa Harry dhe Meghan dhe duket se shpërngulja e tyre po streson një numër të madh të banorëve.

Sa për fqinjët e tyre aktualë, TMZ ka folur me disa prej tyre që kanë thënë se nuk kanë pasur asnjë problem me ta dhe të gjithë ata janë mjaft indiferentë për qëndrimin ose largimin e familjes duke vënë në dukje se ka shumë fytyra të famshme në zonë.