Dua Lipa dhe komediani Trevor Noah kanë ndezur thashethemet për lidhje pas një darke në dukje romantike në New York.

Dua Lipa, 27 vjeç, dhe komediani, 38 vjeç, u panë teksa shijonin një vakt në një restorant xhamajkan në East Village, sipas fotove të Daily Mail.

"Ata ishin ulur larg nga të gjithë të tjerët në restorant," tha një dëshmitar okular. "Ishte e qartë se ata ishin të lidhur me njëri-tjetrin dhe u ulën pranë njëri-tjetrit gjatë gjithë vaktit."

Burimi më tej zbuloi se dyshja "u larguan së bashku dhe ecën", duke u ndalur disa herë "për përqafime të gjata" dhe madje "u puthën".