Bel i hollë, forma të rrumbullakosura, fytyrë e pastër, trup pa celulit.

Këto janë vetëm disa nga “standartet” e bukurisë të vendosura viteve të fundit. Ndonëse pjesa më e madhe ndjekin përfeksionin, të tjerë mundohen të jenë “in” në një mënyrë origjinale.

Karina Irby një influencer australiane, ndonëse ndiqet nga 1.2 milion ndjekës në Instagram, nuk heziton të shfaqë trupin e saj, me strija dhe celulit. Ndonëse kjo trasparencë i ka kushtuar shumë komentet negative ajo nuk ndalet të përcjellë një mesazh të rëndësishëm: ta duam trupin tonë siç është.

Së fundmi stilistja ka zgjedhur të bëjë një lojë me ndjekësit e saj, duke postuar një foto ku tregon të pasmet e pa modifikuara dhe në anën tjetër e njëjta foto e modifikuar.

Karina u ka bërë thirrje ndjekësve të saj që jo të gjitha gjërat që janë në internet janë të vërteta.

“Nuk do të dukeni kurrë si këto imazhe, sepse vetë modelet as që duken si ato. Ne krijojmë standardet tona të bukurisë në vitin 2022. Bëhuni ndryshimi që dëshironi të shihni”, pohoi stilistja.

Nga ana tjetër Karina është pronare edhe e një marke bikinish të quajtur “Moana Bikini”.