Dakota Johnson ka folur për një video virale ku pretendonte se ajo vuri re gishtin e dëmtuar të Johnny Depp ndërsa ata po promovonin një film në 2015.

Klipi i shkurtër u rishfaq në prill ndërsa Depp dhe ish-bashkëshortja Amber Heard ishin në mes të betejës së tyre ligjore, në të cilën Depp paditi Heard për 50 milionë dollarë për shpifje.

Në gjykatë, Depp pretendoi se ish-gruaja Amber Heard ia preu gishtin me një shishe vodka gjatë një debati, disa muaj pas martesës së tyre në shkurt 2015.

I postuar në TikTok, klipi në fjalë pretendon se Johnson vinte re plagosjen e Depp gjatë transmetimit mediatik të filmit dramatik “Black Mass”.

Në një intervistë të re, ylli i “Fifty Shades of Grey” iu përgjigj popullaritetit të videos dhe u shfaq e hutuar pasi disa përdorues të mediave sociale e lidhin atë me historinë ligjore.

“Mendova: ‘Për atë Zot, pse? Pse jam përfshirë në gjithë këtë?”, i tha ajo Britt Hennemuth të “Vanity Fair”, ndërsa tundte kokën.

Aktorja vazhdoi duke thënë se nuk e mbante mend momentin dhe nuk donte të përfshihej në historinë e Amber dhe Depp në asnjë mënyrë.

“Nuk e mbaj mend fare, por ju lutem, më largoni nga kjo,” vazhdoi ajo. “Mos e lini të shkojë më tej. A mund ta imagjinoni, sikur të më thërrisnin në tribunën e dëshmitarit?”

"Nuk mund ta besoj që njerëzit po e shikojnë gjyqin sikur të ishte një shfaqje. Është sikur të jetë një dramë sallë gjyqi dhe më thyhet zemra. Është kaq, kaq e çmendur,” përfundoi ajo.