Edhe pse asnjëri prej tyre nuk ka folur rreth ndarjes, duket se Dua Lipa dhe Anwar Hadid ruajnë një marrëdhënie miqësore. Madje edhe me familjarët e njëri-tjetrit.

Ditën e sotme ish-vokalisti i grupit “Oda” si dhe babai i kënëgtares Dua Lipa, Dukagjini, ka reaguar zemërthyer në Instagram pas vdekjes së regjisores e producentes Vjosa Berisha.

“Mikja jonë e bukur na la sot. Ota do të na mungosh shumë. Ti do të kujtohesh gjithmonë për forcën, kreativitetin, pasionin dhe miqësinë. Dashuri për familjen”, -shkroi ai në postim.

E mes shumë komenteve ngushëlluese, na rrëmbeu vëmendjen ai i miliarderit dhe babait të Anwar, Mohamed Hadid. “Në duart e Zotit, ajo do prehet në paqe. Shpresoj që Zoti të hap dyert e parajsës dhe t’i lehtësojë rrugën”- shkruan ai duke ngushëlluar ish-krushkun.

Përveç kësaj vihet re se Dua dhe Anwar e ndjekin ende njëri-tjetrin në Instagram e po ashtu edhe familjarët. Prindërit, motra e vëllai i Duas shkëmbejnë pëlqime dhe komente me modelin e po ashtu edhe Dua me motrat e tij Gigi dhe Bella Hadid.