Beyoncé është rikthyer. Diva e muzikës botërore ka njoftuar albumin e saj të ri, të titulluar Renaissance. Albumi, i cili është i pari solo që publikohet pas gjashtë vitesh, do të publikohet me 29 Korrik. Ky projekt solo vjen pas “Lemonade”, publikuar në vitin 2016.

Ajo ka publikuar gjithashtu një album të përbashkët me Jay-Z, “Everything Is Love”, në 2018, dhe “The Lion King: The Gift”, në 2019.

Beyonce publikoi një single, Be Alive, për kolonën zanore të filmit King Richard në nëntor 2021. Fansat po prisnin një lajm të ri pasi ajo fshiu fotot e profilit nga mediat sociale.