Gjërat nuk po shkojnë mirë për Amber Heard pas humbjes së gjyqit ndaj ish-bashkëshortit Johnny Depp, të cilit duhet t’i paguajë si dëmshpërblim në total 8.5 milionë dollarë.

Urrejtja e krijuar në publik ka bërë që miliona fansa të filmit ‘Aquaman’, të vendosin për ta shkëputur Amber nga roli dhe se për këtë ka nisur një peticion i cili ka arritur një numër record.

Mësohet se peticioni ka marrë më shumë se 4.4 milionë nënshkrime dhe po arrin pothuajse 4.5 milionë, gjë që do ta bënte atë një nga peticionet më të nënshkruar në historinë e Change.org. Sipas dokumentit online, rezulton se se gjyqi i Johnny Depp kundër Heard e ka ekspozuar këtë të fundit si një dhunuese në familje, duke e ka cilësuar aktoren si të papaërshtatshme për të vijuar në ekran në filmin e drejtuar nga Jason Mamoa.

Pavarësisht se personazhi i luajtur nga Amber Heard, “Mera”, është vetëm 10 minuta kohë në “Aquaman and the Lost Kingdom”, rreth 4.4 milionë njerëz mendojnë se këto 10 minuta janë shumë për të, ka raportuar TMZ.

Kujtojmë se peticioni i zhvilluar  në Change.org nuk ka një peshë reale pasi Amber ka një kontratë dhe me siguri do të mbetet në film, por studiot filmike mund t’i japin më shumë rëndësi reagimit të publikut, kur bëhet fjalë për vendimet e ardhshme të kastit lidhur me Amber.