Ditën e sotme u përhap menjëherë lajmi se këngëtari i njohur, Robert Berisha, ishte përfshirë në një aksident.

U bë e ditur se ai është përplasur me një kamion.

Lidhur me këtë ngjarje ka reaguar vetë artisti, i cili ka postuar një video në “Instastory”, ku tregon se çfarë kishte ndodhur.

Ish-bashkëshorti i këngëtares së njohur, Nora Istrefi, shprehet se është mirë dhe nuk ka pësuar asgjë.

Ai sqaron se i ka rënë nga pas një kamion dhe ka vendosur që të falë shoferin.

“Po më shkruani shumë për atë lajmin që ka dalë për një aksident. Shyqyr prej Zotit kurrgjë nuk kam. Mbrapa më ka rënë një kamion, ja fal, kaq. Hajde me të mira”, shprehet Robert Berisha.