Aktorja e njohur Eva Longoria, e cila po merr pjesë në Festivalin e Filmit në Kanë për herë të 17-të këtë vit, dëshmoi se nuk duhet të shpenzoni shumë për t’u dukur përrallore. Në fakt, ajo veshi një fustan prej 40 dollarësh në paraqitjen e saj të parë në eventin e famshëm francez.

Longoria ,e cila doli në tapetin e kuq të Kanës 2022 këtë javë – së fundmi zbuloi momentin e saj të veshjes duke shtuar se “nuk e kishte idenë se çfarë ishte Kana” në atë kohë.

“Isha sikur, do të vishja vetëm këtë, fustanin ngjyrë flori të thurur, që të ndihem mirë,” tha ajo për pamjen një vit pas premierës së shfaqjes së saj hit “Shtëpiake të dëshpëruara”.

“Askujt nuk do t’ia merrte mëndja se ishte një fustan 40 dollarësh,” tha ajo, duke shtuar, “Nuk është fustani, është gruaja që vesh fustanin.”

Fustani i floririt me xixëllon me një të pasme të kryqëzuar erdhi nga një butik në Melrose Avenue dhe Longoria e veshi atë në tapetin e kuq.

Si zëdhënëse e L’Oréal Paris, Longoria u pyet nga presidenti i kompanisë në atë kohë se kush kishte veshur, gjë që çoi në një konfuzion.

“Çdo të thuash? Është e imja”, tha ajo. “Të gjithëve u pëlqeu fustani, dhe unë mendoja se ishte vetëm nga Melrose!”

Këtë vit, ylli veshi një fustan të zi, të tejdukshëm, Alberta Ferretti për ceremoninë e hapjes në Kanë të martën, por rezulton se fustani nuk ishte zgjedhja e saj e parë.

Aktorja shkëlqeu sërish në tapetin e kuq të Kanës kur mori pjesë në premierën e “Top Gun: Maverick” të mërkurën me një fustan të argjendtë nga Cristina Ottaviano.