Sean Paul sapo foli për “thashethemet seksi” se ai dhe Beyoncé u lidhën kur po punonin për hitin e tyre të vitit 2003, “Baby Boy”.

Dueti i paraqitur në albumin solo debutues të Beyoncé, “Dangerously in Love”, ishte kënga e verës kur u publikua në vitin 2003.

Dhe ndërsa hiti mbresëlënës dhe videoklipi muzikor ngriti temperaturat në rritje atë sezon, ai gjithashtu ndezi thashethemet për romancë mes dy bashkëpunëtorëve, pavarësisht faktit se Beyoncé tashmë ishte në lidhje me bashkëshortin e tanishëm Jay-Z.

Në një intervistë të re me “The Daily Beast”, Sean adresoi spekulimet dhe mbylli pretendimet se ai dhe Beyonce kishin diçka më shumë se një marrëdhënie pune duke shtuar se do donte të kishte ndodhur pasi ajo është tepër e bukur.

Pavarësisht se i mbanin gjërat profesionale mes tyre, thashethemet e lidhjes “u çmendën vërtet”, kujtoi ai.

Sipas artistit gjërat arritën në pikën kur të dy performuan në “MTV Europe Music Awards” në nëntor 2003 dhe Beyonce dyshohet se u përball me të për spekulimet dhe ishte tepër e inatosur. Ndonëse Sean mban mend që i tha Beyonce se thashethemet nuk vinin nga ai, ai pretendoi se kjo ndikoi në distancimin mes tyre.

Megjithatë, Sean nuk është penduar që ka bashkëpunuar me Beyoncé. Në fund të fundit, tha ai, ne bëmë një hit së bashku.