Arbri i njohur si Dj Dagz, la mbrëmjen e djeshme shtëpinë e “Big Brother VIP” mes lotësh, ndërsa Einxhel në momentet e fundit i shprehu ndjenjat.

“Të dua”, i tha ajo, ndërsa e puthi dhe e përcolli nga shtëpia.

Në një postim në rrjetin social “Instagram”, ai falënderoi ndjekësit që e përkrahën në këtë rrugëtim. “Faleminderit të gjithëve për përkrahjen dhe dashninë! Kjo eksperiencë nuk përshkruhet me fjalë. Fitova shumë më shumë se sa e paramendoja”, shkroi artisti.

Në një tjetër postim, teksa mban veshur bluzën e Einxhel, Dagz shkruan për marrëdhënien romantike që nisi me moderatoren se ishte prova e diçkaje të veçantë, që me siguri do të vazhdojë jashtë shtëpisë.