Modelja Heidi Klum ka zbuluar se ka nënshkruar një kontratë sigurimi për këmbët e saj, por njëra prej tyre kushton më shumë se tjetra.

48-vjeçarja gjermane zbuloi në Ellen se një klient siguroi këmbët e saj për 2 milionë dollarë.

Por njëra këmbë është më e shtrenjta se tjetra, ka treguar supermodelja, duke shtuar se “janë të çuditshme gjërat që bëjnë disa njerëz”.

Ajo zbuloi se është përfshirë në një incident kohë më parë dhe njëra nga këmbët e saj u dëmtua, ndaj kanë çmime të ndryshme.

“Kur isha e re, rashë në një xham dhe kam një shenjë të madhe, natyrisht që nuk duhet se e kam nxirë aq shumë me spray”, u shpreh Heidi Klum.

Nëna e katër fëmijëve, vajzës Leni, 17 vjeçe, (me partnerin Flavio Briatore) dhe Lou, 12-vjeçe, edhe djemve Henry, 16 dhe Johan, 15 (me ish-burrin Seal), foli edhe për familjen e saj dhe martesën me Tom Kaulitz.

Ajo tregoi se 32-vjeçari ka një sjellje të mahnitshme me fëmijët e saj.

“Jam e sigurt se nuk është e lehtë të futesh në një familje të tillë, ku janë katër fëmijë dhe adoleshentë”, u shpreh supermodelja teksa fliste për martesën me kitaristin e Tokio Hotel.