Këtë fillim viti, “Forbes” ka zbuluar shtatë krijuesit në “Tik Tok” me fitimet më të mëdha, duke publikuar se sa shumë ka fituar secili vetëm vitin e kaluar.

Sipas vlerësimit të “Forbes”, shtatë krijuesit më të mirë të aplikacionit për ndarjen e videove, të cilët janë të gjithë nën moshën 25 vjeç, “kanë fituar kolektivisht 55.5 milionë dollarë”, me pjesën më të madhe të parave të tyre që vijnë nga përmbajtja e sponsorizuar – e cila mund të shkojë për diku midis 100,000 dollarë në 500,000 dollarë për postim.

Forbes” gjithashtu vuri në dukje se vitin e kaluar, yjet e mediave sociale kanë filluar të zgjerojnë dhe diversifikojnë të ardhurat e tyre edhe në platforma jashtë aplikacionit. Kjo përfshin përfshirjen e roleve në film dhe televizion, marrëveshje librash, shfaqje koncertesh dhe madje edhe krijimin e kompanive të tyre të prodhimit.

Në krye të listës së Forbes ishte Charli D’Amelio, e cila mori mbi 17.5 milionë dollarë nga aplikacioni dhe burimet e saj të tjera të të ardhurave.

Pas Charlit në listë në vendin e dytë ishte motra e saj e madhe Dixie D’Amelio, e cila ka fituar 10 milionë dollarë.

Me 8.5 milionë dollarë të fituar, vendi i tretë në listë shkoi për Addison Rae. Vetëm vitin e kaluar, 21-vjeçarja jo vetëm që postoi video në TikTok, por gjithashtu luajti në filmin e saj të parë.

Vendi i katërt ishte një barazim midis dy krijuesve që secili mori 5 milionë dollarë: Bella Poarch dhe Josh Richards.

Ndërkohë, një tjetër barazim në vendin e pestë, Kris Collins dhe Avani Gregg fituan secili mbi 4.75 milionë dollarë për videot e tyre gazmore dhe kreative.