Princesha Charlotte, vajza e Princit William dhe Kate Middleton është në klasën e dytë por nuk mund të ketë një shoqe të ngushtë. 

Burime për “The Sun” janë shprehur se kjo është pjesë e një prej politikave të shkollës që ndjek princesha e vogël.

“Ka shenja kudo që theksojnë të jesh i sjellshëm, ky është morali i shkollës. Ato nuk të inkurajojnë të kesh miqtë më të mirë”- tha Jane Moore. 

Ajo shtoi se ekziston dhe një politikë që nëse fëmija po bën një festë, do të jenë të ftuar të gjithë nxënësit, të cilët marrin ftesa njësoj.

Ky është një rregull që bëhet në mënyrë që askush të mos ndihet i përjashtuar. 

Për më tepër, ajo zbuloi se Kate dhe William janë shumë të përfshirë në edukimin e fëmijëve.