Sandra Bullock flet për përvojën e saj në prindërimin e dy fëmijëve me ngjyrë.

Në një klip ekskluziv, aktorja 57-vjeçare ulet me Willow Smith, Jada Pinkett Smith dhe nënën e saj, Adrienne Banfield-Norris, për një bisedë të sinqertë rreth amësisë, ku ajo pranon se “ndonjëherë” dëshiron që ajo dhe fëmijët e saj të kenë të njëjtën ngjyrë lëkure.

Bullock njoftoi në vitin 2010 se ajo adoptoi Louis kur ai ishte 3 muajsh e gjysmë dhe ajo është gjithashtu nënë e vajzës Laila, 8, të cilën e mirëpriti përmes birësimit në 2015.

“Të them se do të dëshiroja që lëkurat tona të përputheshin, ndonjëherë e bëj. Sepse atëherë do të ishte më e lehtë mënyra se si njerëzit na afrohen”, shpjegon Bullock, filmi i fundit i të cilit “The Unforgivable” do të dalë më 10 dhjetor. 

“Dhe unë kam të njëjtat ndjenja si një grua me ngjyrë që ka foshnjat e saj ose një grua e bardhë me foshnja të bardha”.

“Unë jam vetëm nëna”, tha ajo për mënyrën se si fëmijët e saj e shohin atë. “Kur iki, u mungoj, kur jam aty, mërziten dhe pikërisht kështu duhet të jetë”.

Kur u pyet nëse fëmijët e saj mendojnë se ajo është e lezetshme, ylli i Speed u përgjigj menjëherë:
“Jo, aspak. Vetëm nëse sjell në shtëpi një lloj ushqimi. Mbrëmë u ktheva në shtëpi me donuts. Isha jashtëzakonisht e lezetshme në atë moment”– tha ajo duke qeshur.