Matthew McConaughey nuk do të kandidojë për guvernator të Teksasit për momentin

Matthew McConaughey nuk do të kandidojë për guvernator të Teksasit për momentin

18:22, 29/11/2021
A+ Aa A-

Fituesi i çmimit Oscar Matthew McConaughey njoftoi të dielën në Instagram se nuk ka ndërmend të kandidojë për guvernator të Teksasit për momentin, pas disa muajsh spekulimesh për hapin e aktorit në ujërat politike.

Ambiciet politike të aktorit (52) shkaktuan admirim në qarqet liberale, veçanërisht në mesin e Teksanëve, të cilët ishin të tmerruar nga vendimet e guvernatorit aktual Greg Abbott, i cili, ndër të tjera, nënshkroi një ligj shumë kufizues që ndalonte shumicën e aborteve.

“Unë jam një fëmijë i thjeshtë nga qyteti Uvalde i Teksasit dhe nuk më ka shkuar kurrë në mendje që një ditë të më mendojnë si një lider politik”, tha ai në një video tre minutëshe të postuar në Instagram.

Sondazhet kanë treguar se McConaughey do të dilte më mirë se kundërshtarët e tij të mundshëm, Abbott dhe Beta O'Rourke, një ish-kandidat demokrat për president që hyri zyrtarisht në garë në fillim të nëntorit.

Aktori tha se ai vendosi të përqëndrohet në shërbimin e njerëzve të Teksasit në një mënyrë tjetër.

 Ai foli për përgjegjësitë dhe problemet me të cilat përballet politika vendore dhe shtetërore.

Ai tha gjithashtu se ndërsa po mendonte për mundësinë e kandidimit, dëgjoi dhe studioi dhe analizoi Teksasin dhe politikën amerikane, duke u përpjekur të përcaktonte se si mund t'u shërbente më së miri banorëve.

McConaughey vuri në dukje se mendimet e tij mbi politikën shtetërore dhe kombëtare e çuan në përfundimin se "ka probleme që duhen zgjidhur" dhe se "politika amerikane ka nevojë për një qëllim të ri, sepse ka një ndarje të plotë që duhet të shërohet".

Ai premtoi se do të vazhdojë të mbështesë kompanitë dhe shoqatat, liderët e të cilëve ai i konsideron si liderë të suksesshëm, të cilët u mundësojnë njerëzve të realizojnë "ëndrrën amerikane" - suksesin dhe prosperitetin.

© SYRI.net

Lexo edhe:

Komentet

Shto koment

Denonco