Ed Sheeran ka bërë një nga rrëfimet më personale në lidhje me karakteristikat e tij ndërsa rritej.

Kantautori i famshëm zbuloi se mendoi se ishte homoseksual për shkak se “kishte një anë femërore kur ishte fëmijë” dhe nuk ishte si djemtë e tjerë.

"Kam një anë femërore, deri në atë pikë, saqë kur isha fëmijë mendova se isha gay”, tha 30-vjeçari.

Këngëtari i  “Shape of You” shpjegoi se shumë nga gjërat që ai pëlqen mund të konsiderohen tradicionalisht aktivitete femërore.

“Më pëlqen teatri muzikor, muzika pop, Britney Spears”, tha Ed Sheeran. “Ana ime mashkullore del në pah kur pi birrë ose shikoj futboll”.

Ai vuri në dukje se nuk është një “djalë makinash”.

“Më pëlqen një makinë e bukur, por s’jam nga djalë makinash”, tregoi këngëtari.