Po bëhet pak kohë që nuk e shohim në ekran, por Luana Vjollca pas suksesit me “Shiko Kush LUAN” ka qenë mjaft aktive në rrjete sociale, ku na “ngacmon” hera herës me postimet e saj.

Pasi konfirmoi vendimin e largimit nga Top Channel dhe lajmëroi epokën e re ku prioriteti i saj jeni ju, publiku, Luana ka marrë mesazhe pafund mbi këtë temë!

Së fundmi, teksa po bashkëbisedonte me ndjekësit e saj, ajo sërish ka marrë shumë mesazhe për Shiko Kush LUAN dhe se fansat mezi po presin ta shohin sërish në ekran.

Madje një prej tyre i thotë se e quan “mëkat” mbylljen e emisionit “Shiko Kush LUAN”.

“Më duket se ke hyrë në mëkat nga mbyllja e emisionit “Shiko Kush LUAN hahaha”, shkruan fansi/fansja. Ndërsa Luana ia kthen kështu:

“Kur lexo dhe dëgjoj kaq shumë kërkesa realisht gjindem në ca momente të vogla pendese, por më besoni të jesh për 15 vite nonstop pa ndalesë në ekran me ritmin, oraret dhe përkushtimin tim ndaj punës, nuk gjen kohë të merresh me asgjë tjetër. E di që do më mirëkuptoni…”, përfundoi Luana dhe ne mezi po presim.