Ylli i këngës ndërkombëtare Celine Dion ka njoftuar se po anulon koncertet në Las Vegas të planifikuara për në fillim të nëntorit për arsye shëndetësore.

"Unë duhet të përqëndrohem në shëndetin tim në mënyrë që të përmirësohem shpejt ...

Unë dua të dal nga kjo sa më shpejt të jetë e mundur," shkroi këngëtarja kanadeze në mediat sociale, duke shtuar se "zemra e saj është thyer për shkak të një situate të tillë".

Celine Dion vuan nga "ngërçe akute dhe të përhershme të muskujve", kjo është arsyeja pse ajo nuk mund të dalë në skenë për të marrë pjesë në prova.

Koncertet që duhej të zhvilloheshin nga 5 deri në 20 nëntor dhe nga 19 janar deri më 5 shkurt 2022, janë anuluar, por këngëtarja shpreson të vazhdojë turneun e saj më 9 mars 2022.

"Më vjen veçanërisht keq që kam zhgënjyer fansat e mi që planifikuan të vinin në Las Vegas," shkruan diva kanadeze.