Një dokumentar i quajtur "The New York Times Presents: Controlling Britney Spears" u shfaq këtë të premte, në të cilin u prezantuan detaje të reja në lidhje me marrëdhënien midis këngëtares Britney Spears dhe babait të saj Jamie, shkruan Page Six.

Dokumentari pohon se Jamie kishte aq shumë kontroll mbi jetën e vajzës së tij, saqë ai madje monitoroi mesazhet e saj me tekst, telefonatat dhe historinë e kërkimit në internet.

Këto pretendime u bënë nga Alex Vlasov, i cili punoi në ekipin që ruante këngëtaren nga 2012 deri në 2021.

 Jamie i kërkoi atij të vendoste kontrollet prindërore në celularin e Britney.

"Britney donte të merrte një iPhone dhe kjo ishte një gjë e madhe për ta. Të gjithë ishin të shqetësuar. Shefi im m'u afrua dhe më pyeti nëse kishte ndonjë shërbim përcjellës në iPhone që unë e njihja. E pyeta se çfarë donte të thoshte, kështu që ai tha: ‘Epo, kontrolli prindëror. A ka ndonjë mënyrë për të vënë kontrollet prindërore në iPhone? ' Pastaj shefi më shpjegoi se ata monitorojnë komunikimet celulare të Britnas për sigurinë dhe mbrojtjen e saj," tha Alex.