Vetullat janë një nga tiparet më të spikatura të fytyrës së një personi për shkak të shumë funksioneve që kryejnë.  

Ato vënë në pah sytë, formojnë fytyrën dhe luajnë një rol të fuqishëm në komunikim. 

Pikërisht për këtë arsye, shumë gra dhe burra janë të kujdesshëm në mënyrën se si rregullojnë ato. 

Disa kujdesen vetë në shtëpi e disa takojnë rregullisht estetistin e tyre të besuar për të rregulluar vetullat. 

Për të gjithë ju që zgjidhni të rregulloni vetë vetullat në shtëpi, rëndësi të madhe ka edhe mënyra se si përdorni pasqyrën. 

Nëse përdorni pasqyrën zmadhuese për të parë më mirë, mos e bëni më! 

Është e pamundur të dalloni si duhet proporcionet e vetullës dhe fytyrës tuaj kur keni një pasqyrim aq të afërt. Mund të përfundoni duke prishur formën sepse thjesht nuk keni pamjen e duhur. 

Një pasqyre zmadhuese nuk do ju duhet kurrë. Në vend të kësaj, përdorni një pasqyrë në mur, në mënyrë që të përqendroheni në të gjithë fytyrën menjëherë.