Soni Malaj, ka arritur të ndërtojë një karrierë të suksesshme muzikore.
E ftuar në “Abc-ja e mëngjesit”, këngëtarja nga Tropoja rrëfeu peripecitë që ka kaluar përgjatë karrierës së saj.
Soni tha se shpeshherë është përballur dhe me paragjykime të shumta në lidhje me origjinën e saj.
“Paragjykimi ka qenë shumë i madh. Thoshin hajt se prej Tropoje, maloke. Por nga e keqja ishte dhe e mira se nuk është se më ngacmonin shumë. Nuk kam pasur ngacmime që mund të ndodhin shpesh në showbiz. E kam parë dhe nëpër komente këtë gjë.“, tregoi këngëtarja.
Soni u ndal dhe tek babai i saj i ndjerë.
Kur u pyet nga moderatori për mësimin më të madh që ka marrë nga i ati, këngëtarja tha:
“Babi ka qenë gjithmonë mashkulli tipik verior. Thoshte gjithmonë të jesh me këmbë në tokë, kishte pjesën e virtyteve, nuk e ka pas qejf mos seriozitetin. Më thoshte ti je femër, duhet me qenë serioze. E kishte bezdi të mospaturit një personalitet të fortë dhe karakter.”
© SYRI.net