Më 19 Korrik, këngëtarja e njohur shqiptare Fjolla Morina është arrestuar nga policia e Kosovës pasi ishte shpallur në kërkim ndërkombëtar nga “Interpol Tirana” për veprën penale të “Trafikut të armëve dhe municionit”.

Ajo u vu nën pranga, gjatë orarit të drekës në dyqanin e saj dhe kjo sipas avokatit ishte realizuar në mënyrën më ç'njerëzore të mundshme.

“Fjolla Morina është arrestuar në mënyrën më çnjerëzore të mundshme, pasi i dihej adresa e banimit, madje e njëjta ka edhe nënshtetësi. Fjolla Morina nuk është thirrur paraprakisht që të intervistohet apo t’i tregohet arsyeja e arrestimit. Ajo është arrestuar para të gjithë lagjes. Ajo nuk pranoi asnjë urdhëresë. Vetëm verbal ‘Kemi urdhëresë prej shtetit të Shqipërisë se është kërkuar ekstradimi për veprën të cilën je shpall fajtor’”, tha avokati Krasniqi.

Arrestimi i këngëtares ka bërë një bujë të madhe mediatike, madje edhe vetë ajo po reagon përmes rrjeteve të saj sociale.

Por, i vetmi i cili nuk ka bërë asnjë deklaratë deri më tani është bashkëshorti i saj, Fisnik Syla.

Ndonëse kohët e fundit çifti është parë gjithmonë nën shoqërinë e njëri-tjetrit, madje ai i ka hapur asaj edhe biznesin e saj personal, sot qëndron në një heshtje të plotë fill pas arrestimit të këngëtares.