Industria muzikore kryesisht në pjesën më të madhe të saj dominohet nga meshkujt, sidomos në versionin “Hip Hop”.

Ndonëse artistet femra kanë bërë hapa të mëdhenj në botën e hip-hopit, ata sërish vazhdojnë të kenë vështirësitë e tyre.

Rreth kësaj çështje, ka folur gjatë reperja e njohur Cardi B.

Në një postim në Twitter ajo u shpreh se: ” Femrave repere i'u duhet të punojnë shumë fort me performancat e tyre, anën vizuale, orë të tëra me grimin, flokët, presioni nga publiku për t’u dukur e përsosur, të bëjnë muzikë të shëlqyer dhe në fund, nuk marrin të njëjtin respekt. Gjithmonë thonë se nuk janë të mira mjaftueshëm, çfarë ka të re? Është e mërzitshme. Pse ajo, jo unë”.

Kjo nuk është hera e parë që artistja bën një deklaratë të tillë lidhur me rolin e femrave repere ne industrinë e muzikës, pasi ajo gjithmonë i mbron me fanatizëm “sakrificat” që atyre ju duhet të bëjnë.