Ned Beatty, aktori i cili njihet kryesisht njihet për rolet e tij në filmat “Deliverance” dhe “Supermeni”, ka ndërruar jetë në moshën 83-vjeçare si pasojë e shkaqeve natyrore.

“Ned vdiq nga shkaqet natyrore të dielën në mëngjes, i rrethuar nga familja dhe të dashurit e tij,” –tha për mediat e huaja menaxheri i tij.
Roli i parë i Beatty, me të cilin fitoi vëmendjen e të gjithëve ishte në filmin e vitit 1972, “Deliverance”, si një nga katër burrat nga Xhorxhia që shkojnë në një udhëtim tronditës me kanoe.

Aktori ishte nominuar për një çmim të Akademisë për Aktorin më të Mirë Mbështetës për “Network” e vitit 1976, luajti Otis në “Supermeni” të vitit 1978 dhe kishte role të tjera të panumërta në teatër dhe televizion.
eatty është lindur dhe rritur në Kentucky, duke peshkuar dhe punuar në ferma.

“Ai filloi si një interpretues profesionist në moshën dhjetë vjeç kur fitoi para xhepi duke kënduar në kuartete ungjijsh dhe një dyqan berberësh,” tha agjencia.

Pasi Beatty kishte periudha të gjata në teatrin e Abingdon, Virginia; në Uashington DC; dhe në Broadway, regjisori i filmit John Boorman e zgjodhi atë për të luajtur Bobby Trippe, i cili sulmohet seksualisht në thrillerin e palëkundur “Deliverance”.