Cristiano Ronaldo është një nga futbollistët më të mirë në historinë e futbollit.

Me një pasuri neto 500 milionë dollarë, ylli i “Juventusit” konsiderohet gjithashtu si një nga atletët më të pasur në botë.

Nisur nga kjo, duke lënë mënjëanë pasionin e futbollistit për makinat luksoze, nuk është çudi që CR7 të shpenzojë shumë edhe për aksesorë të shtrenjtë.

Në një konferencë ndërkombëtare në Dubai ai mori vëmendjen e të gjithëve me unazën e diamantit dhe orën Rolex që mbante në dorë.

Unaza ka një vlerë prej 200 mijë paund, sipas The Sun.

Ajo përmban një diamant të madh të verdhë të rrethuar nga një aureolë me diamante të bardhë dhe të vendosur në një brez me diamante.

Ndërsa ora ka një çmim akoma më marramendës, 380 mijë paund dhe mendohet të jetë ora më e shtrenjtë që Rolex ka bërë ndonjëherë.

Ka në përbërje ar të bardhë dhe diamante.