Lajmi i fundit

EMRI/ Kush është 45-vjeçari që humbi jetën pas aksidentit me motor, i dënuar për vrasje e trafik droge

Princ Harry rikthehet në atdheun e tij, ja ku është karantinuar

Princ Harry rikthehet në atdheun e tij, ja ku është karantinuar

10:48, 12/04/2021
A+ Aa A-

Princi Harry tashmë është kthyer në atdheun e tij për të marrë pjesë në varrimin e gjyshit të tij, Princit Philip , të shtunën, 17 Prill dhe për të qenë me babanë dhe vëllain e tij pas largimit në Shtetet e Bashkuara të Amerikës.

Ribashkimi i familjes me rastin e varrimit të Dukës së Edinburgut Philip komentohet gjerësisht sot nga shtypi britanik, duke vënë në dukje se dy vëllezërit, Princi Harry dhe Princi William do të qëndrojnë pas arkivolit të gjyshit të tyre për ta përcjellë atë për në banesën e fundit. 

Sipas mediave britanike, fluturimi i British Airways nga Los Angeles, i cili transportonte Dukën e Sussex, u ul në Aeroportin Heathrow ditën e djeshme.

Duke zbatuar masat anti-covid, gazeta britanike "Sun" shkruan se Princi Harry u prit në aeroport nga policia me një "Range Rover" të zi.

Duka i Sussex do të vihet në karantinë në Nottingham Cottage në Pallatin Kensington, sipas britanik Daily Mail .

Burimet thonë se nipi i Princit Philip, i cili kohët e fundit shkaktoi një " dhimbje koke " të madhe në familjen mbretërore, do të jetë në gjendje të dalë nga izolimi nëse testi Covid del negativ pas pesë ditësh.

Të shtunën, Buckingham konfirmoi se Princi Harry do të kthehej në Britani nga Shtetet e Bashkuara, ku tani banon me gruan e tij shtatzënë, Megan Markle dhe djalin e tyre, Archie.

Sidoqoftë, dukeshja e Sussex nuk udhëtoi me të , pasi mjeku i saj nuk e lejoi atë.

Sipas faqes zyrtare të qeverisë së Londrës, ata që mbërrijnë në Britani nga vendet e huaja duhet të izolohen për 10 ditë.

Sidoqoftë, para se të largohej nga SH.B.A. dhe të mbërrinte në Britaninë e Madhe, Harry ishte testuar për Covid. 

Do të jetë hera e parë që Princi Harry do të ketë kontakte me familjen e tij pas intervistës… shpërthyese që ai dha me gruan e tij për, Oprah Winfrey .

Vlen të përmendet se, Princi Harry për herë të fundit e pa gjyshin e tij më 8 maj 2019, kur ai u fotografua me të, sipas gazetës britanike " The Sun ".

 

© SYRI.net

Lexo edhe:

Komentet

Shto koment

Denonco