Kanë shkaktuar jo pak konfuzion komentet që Riniani dhe Marsela, ish-e dashura e tij, shkëmbejnë në rrjetet sociale.

Kanë qenë jo të paktë ata që kanë patur dyshime se mes tyre mund të ketë ende ndjenjë, ndërsa për të sqaruar gjithçka, Marsela ishte  pranishme në këtë puntatë të “PërPuthen”, përmes një lidhje në Skype.

Ajo tha se ata të dy kanë përjetuar një histori shumë të bukur dashurie që ka zgjatur 8 vite, por që mbaroi dhe se tashmë mes tyre ekziston vetëm miqësia.

Marsela u shpreh se Rinianin e do shumë, por nuk e dashuron, sepse në të kundërt nuk do ta kishte lënë t’i ikte.

“Historia jonë ka zgjatur 8 vite, një histori e mrekullueshme dashurie e pasioni. Ka qenë shumë e lumtur në 8 vite, është një mashkull i mrekullueshëm, një njeri i drejtpërdrejtë, ka mësuar shumë nga ai. Unë e dua shumë, e dashuruar nuk jam, nëse do ishim të dashuruar do ishim akoma bashkë. Pasi ndahen rrugët, secili është i lirë të ndjekë rrugën e tij. Ai djalë meriton dashurinë, unë dua që ai të ketë përkrah një njeri të denjë për të. I bëra dedikim në Instagram sepse pasi u ndërpre lidhja jonë, shumë njerëz vuajtën shumë njerëz, por ata janë të lumtur për faktin se ne kemi këtë marrëdhënie të mirë. Pas ndarjes me Rinianin unë kam ruajtur marrëdhëniet me familjen e tij. Sigurisht që me prindërit e tij nuk flas shumë shpesh, por kam një marrëdhënie shumë të mirë me kushërirat e tij. Ndjenjat e mia janë 100 dashamirësie, e dua vetëm të mirën këtij djali, pasi në të kundërt nuk do ta kisha lënë të ikte”, ka thënë ajo.