Mëngjesin e sotëm, e ftuar në emisionin “Kafe Shqeto” në Syri Tv ishte këngëtarja Silvana Rusi, e cila foli për projektin e saj të fundit, këngën e titulluar ‘I pashpresë’  e sjellë në bashkëpunim me Apollo.

'Rryma e muzikës është pop, baladë dhe aremby dhe këtë radhë i kam miksuar të gjitha në një baladë, pasi njëherë në vit e bëj një baladë. Teskti, muzika dhe të gjitha janë bërë nga unë dhe është një produkt i imi. Është një kënaqësi kur e bën vetë një këngë', u shpreh Silvana .

E pyetur nga Flavio nëse teksti i këngës është bazuar në eksperiencën e saj personale, Silvana tregoi: Kjo këngë është për ato meshkujt që pendohen dhe nuk kanë më kthim pas.

Këngëtarja gjithashtu tregoi se ky projekt do të pasohet shumë shpejt nga një tjetër, i cili do te këtë në fokus dashurinë e veçantë 'nënë-fëmijë'.

'Kënga do të jetë cover e një kënge të vjetër shqiptare dhe është një këngë e dhimbshme me një tekst kuptimplotë', shtoi Silvana.