Këngëtarja shqiptare, Rita Ora është në kulmin e suksesit të saj. Edhe pse ka një vit që nuk ka sjellë këngë të re, ajo ka qenë vazhdimisht në titujt e medieve rozë.
Së fundmi, Rita ka shënuar edhe një tjetër sukses. Këngëtarja ka përfunduar në librat shkollorë për gjuhë angleze në Spanjë.
Lajmin e ka bërë të ditur një përdorues i Twitter, i cili publikoi një fotografi të librit ku është pjesë edhe imazhi i Rita Orës, gjatë adoleshencës.
“Dikush të më konfirmojë nëse kjo është Rita Ora dhe të më shpjegojë se çfarë bën në një libër të anglishtes së Shkollë së Mesme”, -ka shkruar një spanjoll në Twitter.
Gjithashtu, këtij suksesi i është gëzuar e ëma e Ritës, Vera Ora, e cila ka shpërndarë postimin në Instagram.
© SYRI.net