Mitet janë të vështira për tu harruar. 

Ne shpesh besojmë në gjëra që nuk kanë as prova të forta. 

Dashuria nuk ndryshon nga fushat e tjera të jetës, dhe disa nga stereotipet e zakonshme për dashurinë mund të dëmtojnë seriozisht marrëdhënien tuaj. 

Por nëse jeni në dijeni të tyre, do të bëni më pak gabime dhe do të ketë më pak arsye për t'ju ardhur keq pse mbaroi.

Më poshtë janë 6 keqkuptimet më të përhapura (mite) në lidhje me romancën që mund të pengojnë lumturinë tuaj.

1. Të kundërtat tërheqin

Sa herë e keni dëgjuar këtë frazë? Pavarësisht nga popullariteti i saj, është provuar që nuk është aspak e vërtetë.

Në përgjithësi, njerëzit që janë në një marrëdhënie afatgjatë kanë më shumë të përbashkëta sesa dallime në fillim të udhëtimit të tyre.

Që në takimin e tyre të parë, ata vërejnë tiparet e personit tjetër që ata vetë i posedojnë.

Këto tipare sinjalizojnë se çifti mund të ketë një partneritet harmonik në të ardhmen.

Përveç kësaj, është zbuluar se çiftet me personalitet dhe vlera të ngjashme bëhen prindër më të mirë se çiftet me prirje të ndryshme.

2. Unë mund ta ndryshoj partnerin

Nëse ende besoni se mund ta ndryshoni partnerin tuaj, harrojeni!!

Sigurisht, një marrëdhënie lë gjurmë në zakonet e një personi. 

Por ka fusha thelbësore që ju thjesht nuk mund t’i ndryshoni, pa marrë parasysh sa përpiqeni.

Nëse ëndërroni një partner që ju kupton dhe ju mbështet, do të ishit më mirë me dikë që ndan pikëpamjet tuaja.

3. Të jetosh së bashku para martesës është një mënyrë e mirë për t'u njohur me njëri-tjetrin

Ky veprim duket intuitiv. 

Për të marrë një vendim të rëndësishëm, duhet të njihni mirë një person. 

Sidoqoftë, të jetosh nën një çati nuk është mënyra më e mirë.

Një çift zhvendoset së bashku dhe madje mund të shkojnë shumë mirë për një kohë, por të jesh gati për martesë nuk ndodh për disa ditë, as javë dhe as muaj.

Ndërkohë, prindërit e tyre fillojnë të pyesin se kur do të matohen sepse "ç'kuptim ka të presësh nëse tashmë jeton së bashku?" .

Kjo do të çojë në marrjen e vendimit për martesë, pa e mbyllur proçesin e njohjes mirë. 

Në të ardhmen, ata mund të divorcohen ose të ndjehen të pakënaqur me hapin e tyre të parakohshëm. 

Prandaj, është më mirë të filloni të jetoni së bashku pasi të dy të numëroni vite bashkë dhe pasi të keni marrë vendimin për martesë.

4. Shoku /shoqja e jetës është i/e paracaktuar

Shumë njerëz ëndërrojnë të gjejnë një partner të përputhur në mënyrë të përsosur në fillim të kërkimit të tyre. 

E vërteta është, ne nuk takohemi por bëhemi shokë shpirti të njëri-tjetrit si rezultat i një martese të lumtur dhe harmonike. 

Për më tepër, nga miliardat njerëz që jetojnë në këtë planet, ka sigurisht më shumë se një që mund të bëhet gjysma juaj tjetër.

5. Dashuria ka një datë skadence

Njerëzit që pretendojnë këtë e kanë gabim! 

Një studim nga Universiteti Stony Brook në Neë York zbuloise ndjenjat në çiftet e reja janë po aq të forta sa në marrëdhëniet që kanë zgjatur 10 deri në 29 vjet. 

Në të dy rastet, truri i vullnetarëve që morën pjesë në eksperiment treguan të njëjtën forcë dashurie.

Sidoqoftë, mbani mend, se dashuria e përjetshme është e mundur vetëm nëse partnerët kujdesen për njëri-tjetrin, respektojnë mendimet e njëri-tjetrit dhe zgjidhin problemet e tyre krah për krah.

6. Dashuria me shikim të parë ekziston

Ky mit është shumë i zakonshëm, por jo i saktë.

Hulumtimet tregojnë se një gruaje, nuk i duhet një shikim por 6 shikime për të vendosur nëse ai i përshtatet asaj.

Kini mendjen!! Nuk ka dashuri fjalë për fjalë me shikim të parë, madje as me 6 shikime. 

Sipas autorit dhe trajnerit të jetës Ali Campbell, një gruaje i duhen 45 sekonda për të vendosur nënndërgjegjeshëm nëse i pëlqen një burrë.

 

Burimi: Bright Side