Pasi refuzoi publikisht Cristiano Ronaldon, Sara Croce duket se më në fund gjeti dashurinë.

Bëhet fjalë për një futbollist, portier dhe një ish-juventin, Gianmarco Fiory, i cili sot luan për Gozzano Calcio në Serie D.

Muaj më parë, e ftuar në një emission televiziv në Itali, Sara tregoi edhe se si e kishte refuzuar yllin portugez të Juventus.

Sipas saj, një mik i përbashkët ia kishte dhënë numrin Ronaldos, i cili I kishte shkruar në ëhatsApp.

“Dikush i dha numrin tim Ronaldos dhe kjo më nervozoi shumë. Ai më dërgoi një mesazh në ëhatsApp ku thoshte:

‘Jam Cristiano’ dhe më pyeste nëse doja të dilnim e të luanim bashkë. Unë e refuzova atë dhe më pas ai më bëri bllok në Instagram”, tregonte Sara.

“Nuk do doja kurrë një të dashur futbollist. Ata janë mashtrues”, do të shprehej modelja 22-vjeçare, e cila për ironi të fatit tashmë është në krahët e një futbollisti, por kurrë aq të njohur sa CR7.

Ajo u bë e njohur me rolin e Bonas në programin “Avanti un Altro” të realizuar nga Paolo Bonolis në Mediaset.