Ellen DeGeneres do të rikthehet për të drejtuar sezonin e 18-të të emisionit të saj, ndërsa hetimet mbi akuzat për një vend toksik pune vijojnë.
Emisioni po akuzohet nga ish-punonjës se ka pasur ngacmime dhe racizëm në ambientin e punës, por pavarësisht kësaj, Ellen është vendosur të rikthehet me një slogan mjaft të veçantë në këtë periudhë:
“Be Kind” për sezonin e saj të 18-të.
Pretendimet më të fundit ishin se ajo do të zëvendësohej nga emra të njohur si Sean Hayes, Kristen Bell, Melissa McCarthy apo edhe mikja e saj Jennifer Aniston.
Dhe ndonëse shumë të famshëm pretendojnë se janë miq me moderatoren, askush nuk e ka mbështetur publikisht të paktën deri sot, kur këngëtarja Katy Perry theu heshtjen.
Këngëtarja shtatzënë, 35 vjeç, hyri të martën në Twitter për të lavdëruar luftën e vazhdueshme të moderatores 62-vjeçare për barazi dhe këmbënguli se ajo kishte pasur vetëm eksperienca pozitive me Ellen.
“E di që nuk mund të flas për përvojën e askujt tjetër përveç times, por dua të pranoj se kam pasur vetëm përshtypje pozitive nga koha ime me Ellen & në @theellenshow. Mendoj se të gjithë kemi qenë dëshmitarë të luftës së saj të vazhdueshme për barazi që ka sjellë”.
© SYRI.net