Kostandin Ropi personazhi real i filmit të Kinostudios “Shqipëria e Re” që u kthye në heroin e filmit “Partizani i vogël Velo” ka ndërruar jetë në moshën 90 vjeçare.

Ropi ka lindur në Leshnicë, Vithkuq në vitin 1930.

Ai mbeti jetim që në moshë të vogël, pasi iu vranë prindërit dhe doli në mal në moshën 12 vjeçare.

Pas Çlirimit ka mësuar në një shkollë ekonomike për kontabilitet në vitet 1947 – 1948.

Më pas ka studiuar në shkollat ushtarake në BS.

Në Tiranë përfundoi Shkollën e Bashkuar të Oficerëve dhe Akademinë Ushtarake. 

Pas daljes në pension u rikthye në vendlindje në Korçë.