Katy Perry dhe Orlando Bloom pritet të bëhen prindër shumë shpejt. Megjithatë edhe pse fëmija nuk ka ardhur në jetë, dyshja ka vendosur cila do të jetë kumbara e vogëlushes dhe ajo është aktorja e famshme, Jennifer Aniston.

“Katy dhe Jen janë shumë të afërta. Gjatë izolimit bënë shëtitje të gjata bashkë dhe kaluan shumë kohë të dyja. Ndaj të dy prindërit në pritje e pyetën Jennifer nëse donte të bëhej kumbara e fëmijës së tyre dhe ajo pranoi e përlotur”, thotë një burim pranë artistëve. Përveç prindërve shumë të famshëm, vogëlushja do të ketë për kumbarë edhe një nga aktoret më të pëlqyera në gjithë botën.