Mbrëmjen e kaluar, Shefi i Stacionit Policor në Fushë Arrëz, u vu në pranga pasi u akuzua se ka përdhunuar një vajzë në prill të vitit 2015.
I. Duraku dyshohet se ka kryer marrëdhënie seksuale me dhunë me vajzën e cila kishte shkuar në polici për të denoncuar përdhunimin.
“Polici ka bërë një gjest shumë të poshtër, e ka nxjerrë dymijëlekëshin, dhe e ka lënë në tavolinë, më pas e ka futur në mes të shkresës”, thotë Adriana, dëshmia e të cilës do të publikohet sot e plotë.
27-vjecarja e rritur jetime në Shkodër ka arritur të gjejë forcën për t’i treguar dhe denoncuar në polici abuzimin nga personat që kishin për detyrë që ta mbronin dhe kujdeseshin.
Historinë e saj 27-vjecarja e ka treguar edhe për emisionin “Dua të të bëj të lumtur” .
Vajza është e sigurt tashmë nën mbrojtjen e policisë.
Ajo ka marrë statusin e posaçëm, ndërsa një hetim në shkallë të gjerë ka nisur prej kohës në ndjekje të personave të përfshirë në përdhunim me disa fëmijë jetimë në Shkodër, mes tyre dhe Duraku.
Rrëfimi i saj i plotë pritet të nxjerrë në dritë dhe emra të tjerë të njohur, ndërkohë që një debat i madh ka nisur nëse emisioni duhej apo jo të transmetohej.
© SYRI.net