Studiuesit nga Harvardi zbuluan se si meditimi ndryshon strukturën e trurit për 8 javë; Ja përfundimet e hulumtimit

Studiuesit nga Harvardi zbuluan se si meditimi ndryshon strukturën e trurit për 8 javë; Ja përfundimet e hulumtimit

16:35, 20/05/2020

Një hulumtim i ri ka treguar që 8 javë meditim mund të shoqërohet me ndryshime të konsiderueshme pozitive në tru. Sipas studiuesve ndjekja e një programi prej tetë javësh meditim duket të bëjë ndryshime të matshme në rajonet e trurit të lidhura me kujtesën, empatinë dhe stresin.

Ekipi që kreu studimin u drejtua nga studiues të lidhur me Universitetin Harvard dhe  Spitalin e Përgjithshëm të Massachusetts dhe autori i lartë i studimit deklaroi:

"Megjithëse praktika e meditimit shoqërohet me ndjenjën e paqes dhe relaksimit fizik, praktikuesit prej kohësh kanë përfitime afatgjata që ekipi ynë i ka dokumentuar për herë të parë duke përdorur imazhet e rezonancës magnetike “

Në studimet e mëparshme, është  vërejtur se ka një ndryshim në strukturën e trurit midis atyre që meditojnë dhe atyre që jo. U vërejtën disa dallime, por ishte e pamundur të përcaktohej nëse kjo ishte për shkak të praktikës medituese.

Image

Për studimin e tanishëm, u morën imazhet e rezonancës magnetike nga pjesëmarrësit e studimit dy javë para dhe pasi morën pjesë në një program tetë-javor të reduktimit të stresit  (MBSR) në University of Massachusetts Center for Mindfulness. Përveç takimeve javore në lidhje me meditimin, pjesëmarrësve iu dha një kasetë e regjistruar për t'i ndihmuar ata të praktikonin vetë meditimin.

Pjesëmarrësit e grupit të meditimit raportuan të kalonin mesatarisht 27 minuta në ditë duke praktikuar meditimin dhe kjo është ajo që studiuesit zbuluan:

Pas tetë javësh kishte rritje të dendësisë së lëndës gri (materies gri) në hipokampus! Kjo lëndë është e rëndësishme për mësimin dhe kujtesën, dhe për strukturat që lidhen me vetëdijen, dhembshurinë.

Reduktim e stresi që lidhet me uljen e densitetit të lëndës gri në amigdala, e cila dihet se rrit ankthin dhe stresin.

"Ishte interesante të shihnim plasticitetin e trurit dhe që, duke praktikuar meditimin, ne mund të luajmë një rol aktiv në ndryshimin e trurit duke rritur mirëqenien dhe cilësinë e jetës. Studime të tjera në popullata të ndryshme të pacientëve kanë treguar se meditimi mund të bëjë përmirësime të konsiderueshme në një sërë simptomash, dhe ne tani jemi duke hetuar mekanizmat themelorë në tru që lehtësojnë këtë ndryshim. "

© SYRI.net

Lexo edhe:

Komentet

Shto koment

Denonco