Reperi G Bani ka qenë i ftuari i radhës në “Glamour Zone” kur ndër të tjera ka shpjeguar se kënga e tij më e re “Spiunët e Karantinës” është frymëzuar nga një histori personale.

Ai ka rrëfyer se ka përfunduar pas hekurave, pas spiunimit që i bënë komshinjtë e pallatit.

Pasi shoku i tij kishte hapyr lokalon për të bërë muzikë dhe për të kënaqur banorët përreth, dikush kishte lajmëruar policinë, duke shoqëruar për në komisarita reperin shqiptar bashkë me mikun e tij.

“Kam patur një eksperiencë personale. Ishim bashke me një shokun tim i cili ka një lokal dhe vumë muzikë popullore, për tu argëtuar të gjithë, njësoj siç bëhet në Itali. Të gjithë po e shijonin, po kërcenin e po ia kalonin shumë bukur. Dilte dikush dhe bënte muzikë për njerëzit. Ky nuk e bëri këtë gjë nga ballkoni i shtëpisë së vetë sepse nuk e kishte boksin tek shtëpia dhe e mori atë e nxorri nga lokali që e kishte të mbyllur, thjesht tërhoqi korrentin.

E gjithë lagjia po e shijonte dhe njerëzit po kërcenin. Në ato momente erdhi ndërhyrja e shpejt, policia, ushtria, dhe na shoqëruan në rajon ku qëndruam për 5 orë. Spiunlliku në Shqipëri është aq i rëndomtë saqë njerëzit të duan e të bëjnë idhull, ose të urrejnë,”– është shprehur G Bani.