Gashi, është reperi shqiptar me famë botërore dhe është kthyer në një emër shumë të dëgjuar në fushën e muzikës.

Këngët e tij kanë arritur një sukses të paparë dhe reperi nuk humbet rast pa e shpalosur para të gjithëve famën që rritet nga dita në ditë.

Gashi është shumë aktiv në rrjetet sociale dhe poston vazhdimisht jo vetëm në Instagram po edhe në Twitter ndonëse një pjesë të tyre më pas i fshin (sidomos deklaratat).

Së fundmi përmes një postimi në Instagram, Gashi ka treguar se kënga e tij ‘My Year’ do klasifikohet çdo vit numri 1.

Po ashtu reperi ka bërë dhe një deklaratë të papritur:

“Fëmijët e mi të ardhshëm janë që tani të pasur”, ka shkruar ai, duke dashur të thotë se ka grumbulluar një pasuri të atillë që i mbulon dhe shpenzimet e fëmijëve të tij në të ardhmen, për më tepër iu mundëson dhe luksin e një të pasuri.