Aktori i Hollivudit James Dean aktroi në mënyrë të mrekullueshme në filmin e vitit 1955 " Rebel Pa Një Kauzë", si adoleshenti i shqetësuar Jim Stark, i cili mbante gjithmonë një bluzë të bardhë me mëngë të shkurtra, xhinse blu dhe një xhaketë prej najloni të kuqërremtë dhe kjo veshje e tij është një nga kombinimet më të njohura të Hollivudit.

Me kalimin e viteve, portretizimi i Deanit i një adoleshenti të zemëruar dhe të irrituar ka krijuar një modë të ndjekur gjerësisht nga të rinjtë ndër vite.

E gjithë pamja nuk u krijua rastësisht, por ishte rezultat i përpjekjeve të studiuara nga stilisti i kostumeve "Rebel" Moss Mabry, sipas librit "Style Hollywood Hollywood" nga Caroline Young.

Kur Deani e veshi atë si personazhi Jim Stark, ai krijoi një uniformë për adoleshentët rebelë, një shenjë e jashtme e zhgënjimit të tyre të brendshëm dhe mërzitjes me një botë periferike, ku dëshira e tyre për aventurë dhe përvojat e reja nuk kishin aspak vend. Epik është edhe modeli i tij i flokëve të krehur pas dhe me xhel.