Ekziston një rregull për të gjithë sportistët sipas të cilës ato nuk duhen të kryejnë seks 24 orë para ndeshjes.

Për këtë ka folur vetë xhudisti shqiptar Indrit Çullhaj, i cili ka qenë i ftuar në emisionin “Ditë e Re” në RTV Ora. Kampioni i Ballkanit u pyet për teorinë e 24 orëve dhe tha se ai e aplikon këtë për 10 ose 15 ditë për të qenë në formë në ndeshje.

Çullhaj u kërkoi vajzave, mes batutave dhe humorit, që të mos i bien telefonit gjatë asaj kohe.

Kelvi Kadilli: Është teoria konspirative që thotë se sportistët e suksesshëm nuk duhet të bëjnë seks 24 orë para ndeshjes. E aplikon këtë gjë?

Indrit Çullhaj: Po e aplikoj. Por jo 24 orë, kush e tha? Janë 10 ditë, 15 ditë.

Kelvi Kadilli: Nuk duhet të bësh seks 10 ditë që jesh mirë?

Indrit Çullhaj: Mos mi bini telefonit për 10 ditë (qesh). Është normale. Për sportin e xhudos që është agresiv gjithë kohës, edhe truri, mendja, lëvizjet janë gjithë kohës agresive. Kur rri një femër zbutesh dhe kur shkon atje do fillosh nga e para që të bëhesh më i fortë, je edhe më i fokusuar, të gjitha ndikojnë nga pak.