Të të ndjekin në masë njerëzit në Instagram ka qenë gjithmonë trend, por vitet e fundit është bërë një “luftë” e vërtetë mes personazheve të njohur.

Kjo për faktin se ky rrjet social tashmë nuk shërben vetëm për të postuar mendimet e ditës, ndonjë selfie “të rastësishëm” apo se çfarë po ha për darkë, por është kthyer në një mjet të fuqishëm biznesi dhe reklamimi.

Madje në këtë pikë është kthyer dhe në tregues suksesi, e gjitha në varësi të numrit të ndjekësve, aktivitetit dhe se sa influencon tek ata që shohin çdo gjë tënden.

 Personazhet shqiptare që i kanë kaluar 1 milionë ndjekësit kanë një arsye më shumë për t’u ndjerë pak më mirë se të tjerët.

 Por megjithatë duhet shtuar se të kesh shumë ndjekës në Instagram, nuk është gjithnjë tregues i cilësisë së asaj që bën, sepse të gjithë e dimë sa e lehtë është të bëhesh i famshëm sot në rrjetet sociale.

Gjithsesi, këto janë VIP-at shqiptarë që kanë kaluar milionshin e personave që i ndjekin:

Ermal Mamaqi- 1.1 milion ndjekës.

Luana Vjollca-1.5 milion ndjekës

Marina Vjollca-1.1 milion ndjekës.

Noizy-1.4 milion ndjekës

Ledri Vula- 1.4 milion ndjekës

Capital T- 1 milion ndjekës

Dafina Zeqiri-1.2 milion ndjekës

Era Istrefi-1.5 milion ndjekës

Tayna- 1 milion ndjekës

Enca-2.1 milion ndjekës