Prodhimi kinematografik “The Lion King” është pritur me padurim nga fansat e filmave të animuar, ndërkohë që pritet që së shpejti të thyejë rekorde.

Mësohet se gjatë të premtes që lamë pas nga transmetimi i filmit në kinema janë fituar 78.5 milionë dollarë dhe pritet që deri në fund të javës të kapë shifrën prej 200 milionë dollarësh.

Për pak pritet që ky film të kalojë edhe fitimet e risjelljes së filmit të animuar “Aladdin”, premiera e të cilit ishte në maj të këtij viti.

Më parë rekordin për filmin më të shitur e mbante “Beauty and The Beast”, ku vetëm në një fundjavë u fituan 175 milionë dollarë.

Filmi po korr shumë sukses edhe për shkak të pranisë së Beyonces në rolin e Nalës.