Ish modeli i njohur shqiptar Oni Pustina është kthyer në ekranin shqiptar si postieri i emisionit “Dua të të bëj të lumtur”, që nisi transmetimin në janar në ekranin e “Top Channel”.
Prej vitesh, Oni qëndron larg vëmendjes mediatike, pasi është përqendruar më shumë te familja, që ka krijuar nga martesa me ish-balerinën, Linda Poda.
Pas disa viteve larg ekranit, çifti që u njoh në “Dancing with the stars”, tetë vite më parë, tashmë janë prindër të një vajze.
Por Pustina është shumë i rezervuar përsa i përket jetës së tij private dhe kjo vihet re dukshëm, pasi fotot e tij me familjen janë shumë të rralla.
Megjithatë me rastin e ditëlindjes së vajzës së tij, e cila dje ka festuar 4-vjetorin e lindjes, ai ka publikuar një video nga festa dedikuar së voglës.
Oni shfaqet teksa i dhuron së bijës një puthje, ndërsa Linda e mban në krah duke pritur momentin e fikjes së qirinjve.
© SYRI.net