Këngëtarja e njohur me origjinë shqiptare, Dua Lipa që në daljen e saj të parë e ka treguar hapur origjinë shqiptare.

Në çdo intervistë të saj Dua ka folur plot krenari për vendlindjen e saj dhe pritet që në gusht të vizitojë Kosovën për të qenë pjesë e “Sunny Hills Festival”.

Ajo është mjaft e ndjekur në rrjetet sociale dhe shpesh herë publikon foto dhe video ku ndan momente nga përditshmëria me fansat.

Së fundmi, ajo ka bërë krenar gjithë shqiptarët me gjestin e saj.

Dua ka publikuar pak orë më parë në Instastory një video ku shihet harta e vjetër e Shqipërisë dhe Kosovës, duke treguar përpara 32milionë ndjekësve dashurinë që ka për vendin e saj.

Në hartë shihet edhe emri i Dardanisë, që ishte një nga mbretëritë që ka sunduar në këtë territor të madh që sot banohet nga Shqipëria dhe Kosova.