Dritan Jashari, i cili është pa diskutim një zë mjaft brilant i muzikës popullore shqiptare dhe tashmë i njohur në të gjitha trevat ku flitet shqip dhe jetojnë shqiptarë, ka vendosur të rikthehet fuqishëm në tregun muzikor shqiptar.

“Vijnë Pamporat” dhe “Elez Isufi”, titullohen të dy këngët e tij më të reja, të cilat ai i ka publikuar ditët e fundit në kanalin më të madh muzikor në botë, You Tube, të shoqëruara edhe me videoklipet përkatëse.  

Bëhet fjalë për dy këngë të traditës, të cilat se fundmi këngëtari i njohur dibran ua servir në mënyrën më të mirë të mundshme dashamirësit e muzikës se tij.

Ju kujtojmë që Dritan Jashari është një ndër këngëtarët më aktivë në treg, pasi herë pas herë publikon projekte të reja muzikore.

Më herët këngëtari i njohur erdhi me këngën e re që kushtohet heroit tonë kombëtar Gjergj Kastriot Skënderbeut, me tekst te poetit dibran Naim Plakut dhe muzikë të mjeshtrit dhe kompozitorit Edmond Zhulali. 

Këngëtari i njohur të muzikës popullore shqiptare, Dritan Jashari, ka vendosur të rikthehet në treg here pas here me projekte muzikor, kur kemi parasysh faktin se para kësaj këngë Jashari publikoi këngën e tij më të re me titull “Rrak tak tak”, muzika e të cilës është punuar nga Gramoz Kozeli, ndërsa tekstin e ka bërë Mirjeta Mema. Bëhet fjalë për një këngë të bukur, e cila flet për dashurinë dhe që u prit mirë nga publiku.

“Rrak tak tak” vjen pas dy këngëve të suksesshme “Gjeta Dibër n’Amerikë” dhe “Kësaj i thonë dasëm shqiptare”. Kujtojmë që Jashari pati sukses dhe me këngën e fundit me klipin “Gjeta Dibër n’Amerikë” dedikuar bashkatdhetarëve dibranë në Amerikë, por ka sjell edhe një projekt tjetër, një këngë të bukur tradicionale shqiptare e shoqëruar me klip, i cili  është publikuar pak ditë më parë në kanalin më të madh muzikor shqiptar në YouTube Arkiva Shqip.

“Kësaj i thonë dasëm shqiptare”, kjo këngë është pritur mjaft mirë  nga publiku tek e shohim te klikimet që shtohen dita ditës. Në traditën e dasmave shqiptare këngët dhe vallet e të gjitha krahinave janë pjesë e festave dhe ceremonive tradicionale  ku hareja dhe gëzimi i dasmorëve kthehen në kryefjalën e dasmës.

Në arkivën e këngëtarit Dritan Jashari numërohen edhe shumë këngë të tjera shumë të pëlqyera nga publiku si  “Fluturon shqipja mbi Korab”, “Nuk është jeta njëmijë vjet”, “Dibra dhe Kosova”, “Ndryshe”, “Oda Dibrane”, etj.! 

Dritan Jashari ka një talent të jashtëzakonshëm ku me zërin brilant dhe interpretim të shkëlqyer ka ngritur peshë zemrat e mijëra shqiptarëve në koncertet brenda dhe jashtë Shqipërisë. Jashari është vlerësuar me mjaft çmime të ndryshme, në aktivitete kombëtare e ndërkombëtare. 

Një vlerësim i është dhënë edhe për interpretimin e tyre mjeshtëror dhe çmimin “Mirënjohja për këngën dibrane” nga Festivali “Oda Dibrane”.

Tek Dritan Jashari spikat figura e një këngëtari të kultivuar, i cili rreshtohet krahas këngëtarëve më me zë në fushën e muzikës, por veçanërisht të interpretimit të këngës popullore ose të përpunuar epike.