Ylli i ri i Barcelonës, Nelson Semedo, është një futbollist portugez, i cili luan si mbrojtës i djathtë për klubin e madh spanjoll, por edhe ekipin kombëtar të Portugalisë.

Në sezonin e fundit, ai ka bërë një paraqitje shumë të mirë në radhët e skuadrës katalanese, ku ka meritë në fitimin e titullit kampion, por edhe të arritjes në finalen e Kupës së Mbretit, e cila do të luhet më 26 maj kundër Valencias.

Gjithsesi Semedo sot ka dhënë lajmin e madh në lidhje me jetën e tij jashtë fushës. “Familja jonë po zmadhohet”, ka shkruar Semedo përbri një fotografi të publikuar në profilin e tij në rrjetet sociale, ku mbrojtësi i Barcelonës shfaqet duke puthur barkun e bashkëshortes së tij bukuroshe.