Momente paniku në Trofeun e Chopard, gjatë Festivalit të Filmit në Kanë.

Aktorës Elle Fanning i ka rënë të fikët.

Elle kishte veshur një fustan Prada të viteve `50 që me sa duket paska qenë më i ngushtë se sa duhet.

E motra, Dakota Fanning dhe aktori Colin Firth ishin ulur pranë saj në momentin që Elle-s i ra të fikët dhe i erdhën menjëherë në ndihmë.

Më pas, sigurimi i largoi të dyja motrat nga salla.

Pasi e mori veten, aktorja postoi një foto në Instagram duke treguar se ishte mirë dhe duke shtuar se fustani i saj ishte shumë i ngushtë dhe ajo ishte me perioda.

Në jurinë e Festivalit të Kanës, Elle është më e reja në panelin prej 9 personash që do të vendosin fituesin e Palme d’Or.